تدابير منزلية

5:04 ص



تدابير منزلية

نصائح عملية للمطبخ نتمنى تستافدو
- العدس إلى بغتيه يكون لذيذ سلقيه مع شوية السكر و الخل عاد زيدي عليه لصوص ديالو
- بالنسبة الدنجان إلى مبغيناه يهز الزيت فاش نبغيو نقليوه نغمسوه فبياض البيض ونقلوه
- الدجاج إلى بغتيه يتحمر مزيان نخدو خمارة ديال الحلوى ونعجنوها مع الزبدة وندهنو بها الدجاج وندخلوها الفرن. ﻹزالة القطران من الحوايج نخدو اللبن أو الحليب ونوضعو على الطبايع
- ﻹزالة الصباغة من الزجاج نخدو الماء ديال البصلة ونمسحو به
- بالنسبة الصدى فالحوايج ناخدو الحوايج ونوضعو عليهم الصابون البلدي ونخليه حتى إكرم ونحكو لبﻻصة لفيها الصدى
- بالنسبة السردين إلى بغينا نقليوه نرقدوه فالحليب+خمارة+الملح 5 دقائق ونقليةه كيجي رائع .
- نساء كايشر السطولا باش نخزنو فيهم الشباكية وسلو .الاقتراح ديالي باش نحيدو الريحة ديال البلاستيك من الاواني البلاستيكية كانغسلهوم بالرماد ونشللهم كتزول الرائحة تماما
- كلكم بديتو تحمار الفواكه الجافة من اجل السفوف وكاين اللي كيخسر ليه من طريقة التحمار باش تعرفي ان الزنجلان تحمر ديريه في الكوكوت وحركيه مرة مرة وعلامة تحمارو ماشي الريحة ماتغركش ريحتو مللي تحلي الكوكوت وماتلقايش البخار فيها هاديك هي العلامة بصحتك
- تومة الى كانت كتيرة نديروها فى بلاستيك ونخبيوها فى المجمد كتبقى طول
العام
- منين تلصق لينا الحلوة فاللاطة ديال الفران نديرو اللاطة فوق البوطة على
نار مهيلة بزاف بحال الشمعة و منين تبدى تسخن نزولوها بشي حاجة غدي تقلع من
اللاطة بسهولة
- واحد النصيحة الى شاطت لك السميدة مفورة خدي مقدار منها زلافة صغيرة مثلا وعجني عليها الخبز تيجي الخبز رطب وهشييييييييييييييش
- باش الحوايج اللي كنصبو فالمكينة ميطلقوش لينا هاد الحوايج كنضيفو ليهم كاس من الخل الأييض وها حنا تهنينا من هاد المشكل
- بالنسية لسروال الدجين باش إبقى محافظ على اللون ديالو كنديروه فبانيو مع ماء بارد وشوية من الملح العادية أولا تكون الملحة الحية من الأفضل نكدا كنحصلو على نتيجة مرضية لي تحافظ لينا على هاد النوع من القماش
- باش نخليو رائحة زوينة فالحمامات ديالنا يكفيكم فقط تاخذو قشور حامضة أولا جوج حامضات كنخليهم حتى إوليو يابسين من بعد كانخذو زلافة تكون مشقة أولا غير تجرحات شوية كتكونش مهرسة ونزوقوها مثلا الضونتيل أولا سينتا مع وريدات فجنب ونديرو فيها قشور الحامض اليابسين ونحطوها فالحمام كتعطينا رائحة مرضية فالحمام
- طريقة تنظبف الزليج
كناخذو حامضة كنقسموها على جوج كل طرف كنوضعو فيه ملعقة صغيرة من خميرة العجين وكنبداو نمسحو بيه الزليج
غادي تعجبوك النتيجة غير جربو وردو علية الخبار
البنات شي دعيوة

شارك الموضوع

مواضيع ذات صلة